Թուրքիայի և Հայաստանի միջև հարաբերությունների կարգավորման գործընթացի շրջանակներում երկու երկրները համաձայնել են պարզեցնել վիզաների ստացման կարգը դիվանագիտական, հատուկ և ծառայողական անձնագրերի տերերի համար։
Այս մասին հայտնել է Թուրքիայի արտաքին գործերի նախարարությունը՝ նշելով, որ համաձայնությունը կսկսի գործել 2026 թվականի հունվարի 1-ից։ Դրանից հետո երկու երկրների դիվանագետները կկարողանան անվճար էլեկտրոնային վիզաներ ստանալ։
Հայտարարության մեջ նշվում է, որ Թուրքիան և Հայաստանը վերահաստատում են իրենց հանձնառությունը՝ շարունակելու երկու երկրների միջև հարաբերությունների կարգավորման գործընթացը՝ առանց որևէ նախապայմանի լիարժեք կարգավորման հասնելու նպատակով։
