Ուկրաինայի Գերագույն ռադան ստեղծում է հատուկ աշխատանքային խումբ՝ նախագահական ընտրությունների անցկացման հնարավորությունը ռազմական դրության պայմաններում արագ և համապարփակ մշակելու համար։ Այս մասին հայտնել է իշխող «Սլուգա նարոդա» խմբակցության ղեկավար Դավիթ Արախամիան։
Խմբի գործունեության ընթացքը կկազմակերպվի Գերագույն ռադայի համապատասխան պրոֆիլային հանձնաժողովի, խորհրդարանի բոլոր խմբակցությունների և խմբերի, ինչպես նաև Կենտրոնական ընտրական հանձնաժողովի ներկայացուցիչների մասնակցությամբ։ Ընտրական գործընթացներով զբաղվող հասարակական կազմակերպություններն էլ կներգրավվեն այս աշխատանքի մեջ։
Արախամիան նշել է, որ աշխատանքային խմբի առաջին նիստի օրը և ժամը կհայտարարվեն ավելի ուշ։
Ավելի վաղ Ուկրաինայի նախագահ Վլադիմիր Զելենսկին առաջարկել էր նախագահական ընտրությունների անցկացման առցանց ձևաչափի հնարավորությունը՝ հատկապես արտերկրում բնակվող քաղաքացիների համար։ Այս քննարկումները վկայում են, որ Կիևում դիտարկվում են տարբեր սցենարներ՝ ընտրական գործընթացի կազմակերպման հարցում՝ շարունակվող ռազմական դրության պայմաններում։
