Վրաստանի վարչապետ Իրակլի Կոբախիձեն հայտարարել է, որ երկու երկրների միջև հարաբերությունները բացառիկ բարեկամական են։ Նրա խոսքով՝ ադրբեջանական և հայկական կողմերի շահերը նույնպես կարևոր են Վրաստանի համար։
«Մենք նույնպես ունենք մեր սեփական շահերը, և ես կարծում եմ, որ բանակցությունների արդյունքների հիման վրա մենք հեշտությամբ կգտնենք լավագույն լուծումը, որը կծառայի երեք երկրների շահերին», – ասել է Կոբախիձեն։
Վարչապետը նաև նշել է, որ կողմերը բանակցություններ են վարում Հարավային գազային միջանցքի շուրջ։ Նրա խոսքով՝ ադրբեջանական կողմի հետ բարեկամական հարաբերությունները լավատեսության հիմք են տալիս, և վրացական կողմը հույս ունի փոխշահավետ համաձայնության հասնելու։
