Ապրիլի 20-ին ՀՀ Անվտանգության խորհրդի քարտուղար Արմեն Գրիգորյանն ընդունել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Քևին Հեմիլթոնին։
Հանդիպման ընթացքում Գրիգորյանը շնորհավորել է Հեմիլթոնին՝ նրա նոր պաշտոնը ստանձնելու կապակցությամբ։ Նա մաղթել է նրան արդյունավետ աշխատանք և նոր հաջողություններ։
Զրուցակիցները մանրամասն քննարկել են Հայաստան-ՆԱՏՕ երկկողմ հարաբերությունների ընթացիկ օրակարգը և զարգացման հեռանկարները։ ՀՀ ԱԽ քարտուղարը նկատել է երկու երկրների միջև հարաբերությունների ամրապնդման դրական դինամիկան։
Քևին Հեմիլթոնը, իր հերթին, կարևորել է ՆԱՏՕ-ի խաղաղապահ առաքելություններում Հայաստանի մասնակցության արդյունքում ձևավորված համագործակցությունը։
Հանդիպման ընթացքում կողմերը նաև փոխանակվել են մտքեր տարածաշրջանային և միջազգային անվտանգությանն առնչվող հարցերի շուրջ։
