Նախօրեին Արմավիրի «Նանա» ռեստորանում տեղի ունեցած միջոցառմանը ներկա էր եղել Նիկոլ Փաշինյանի կողակից Աննա Հակոբյանը։ Ինչպես տեղում ներկա եղած անձերից հաղորդվում է, նա ողջ երեկույթի ընթացքում մնացել է պարահրապարակում։
Խնջույքը նվիրված էր 44-օրյա պատերազմում զոհված զույգ եղբայրների՝ Արմեն եւ Ռուբեն Շահինյանների եղբոր՝ Րաֆֆի Շահինյանի ծննդյանը։ Նորածին Շահինյանը ծնվել է այս տարի՝ սեպտեմբերի 28-ին, որը համընկնում է Հայաստանում նշվող բանակի օրվա հետ։
Միջոցառմանը ներկա էին նաեւ Աննա Հակոբյանի շրջապատի անդամներ՝ «Իմ քայլի» աշխատակազմի ներկայացուցիչներ։ Ըստ աղբյուրների՝ այնտեղ էին նաեւ Արծրուն Հովհաննիսյանը եւ դեռեւս պատգամավոր Հայկ Սարգսյանը, որը Փաշինյանի կողմից մերժվել էր պաշտոնից։ Խնջույքին մասնակցել են նաեւ զոհված զույգ եղբայրների մայրը եւ դատավոր Նաիրա Հովսեփյանը։
