Հունվարի 28-ին Հայաստանի Հանրապետության պաշտպանության նախարարության վարչական համալիրում տեղի է ունեցել հանդիսավոր միջոցառում՝ նվիրված Հայաստանի բանակի կազմավորման 34-րդ տարեդարձին։
Միջոցառման ընթացքում հնչել է Հայաստանի Հանրապետության պետական օրհներգը։ Դրանից հետո ներկաները մեկ րոպե լռությամբ հարգանքի տուրք են մատուցել հայրենիքի պաշտպանության համար իրենց կյանքը զոհաբերած զինծառայողների հիշատակին։
Հանդիսավորությամբ ելույթներով հանդես են եկել Հայաստանի Հանրապետության վարչապետ Նիկոլ Փաշինյանը և պաշտպանության նախարար Սուրեն Պապիկյանը։
Բանակի օրվա առթիվ վարչապետ Նիկոլ Փաշինյանը պարգևատրել է պաշտպանության նախարարության մի խումբ զինծառայողների՝ նրանց հայրենիքի անվտանգության և պաշտպանության գործում ներդրած ավանդի համար։ Նրանք պարգևատրվել են Հայաստանի Հանրապետության վարչապետի հուշամեդալով, արժեքավոր նվերներով և պատվոգրերով։
