ՀՀ-ում ԱՄՆ դեսպանատունը հրապարակել է կարևոր հաղորդագրություն վիզայի դիմորդների համար։
Համաձայն հրապարակված հայտարարության՝ եթե դիմորդը հարցազրույցի օր ամրագրելու համար օգտվել է տուրիստական գործակալի կամ այլ աջակցության ծառայությունների, իսկ դիմումի մեջ լրացվել են սխալ կամ կեղծ տվյալներ (օրինակ՝ սխալ հեռախոսահամար կամ էլեկտրոնային հասցե), ապա դեսպանատունը իրավունք ունի չեղարկել նշանակված հանդիպումը։
Դեսպանատունը խորհուրդ է տալիս խուսափել երրորդ կողմերի միջամտությունից և հավելյալ վճարներից։ Ըստ հաղորդագրության՝ դիմումում առկա տեղեկության ճշգրտության և ճշմարտացիության ամբողջ պատասխանատվությունը դիմորդին է։
