ՀՀ էկոնոմիկայի նախարար Գևորգ Պապոյանը դեկտեմբերի 8-ին հանդիպել է Իրանի Իսլամական Հանրապետության մշակութային ժառանգության, զբոսաշրջության և ձեռարվեստի նախարարի՝ զբոսաշրջային հարցերով տեղակալ Անուշիրվան Բանդփեյի հետ։
Հանդիպման ընթացքում մանրամասն քննարկվել են երկու երկրների միջև զբոսաշրջության ոլորտում համագործակցության հեռանկարները և զբոսաշրջային հոսքերի ավելացման հնարավորությունները։
Ես նշել եմ, որ Հայաստանը և Իրանը ունեն երկարամյա բարեկամական հարաբերություններ, և մեր երկու երկրների միջև համագործակցությունը զբոսաշրջության ոլորտում, հատկապես վերջին տարիներին, ցուցաբերում է կայուն և դրական զարգացման միտում։
Այս տարվա ընթացքում Իրանից Հայաստան այցելել է 179 հազար զբոսաշրջիկ։ 2025 թվականի հունվար-նոյեմբեր ամիսների ընթացքում արդեն գրանցվել է 166 հազար այցելու։
Հանդիպման ընթացքում կողմերը փոխանակվել են նաև ոլորտի զարգացմանն ուղղված մի շարք այլ կարևոր հարցերի շուրջ։
