Սիրելի՛ ընկերներ,
Այս տարին մեր հայրենիքի համար ունեցավ աննախադեպ նշանակություն։ Այն տարին էր, երբ խաղաղությունը, որը մենք այնքան երկար ցանկացել ենք, դարձավ ավելի իրատեսական, քան երբևէ անկախությունից ի վեր։
Այժմ մեր բոլորիս առաջ կանգնած է պատասխանատու խնդիրը՝ խնամքով և հոգածությամբ այդ փխրուն խաղաղությունը վերածել անսահմանափակ ուժի։ Պետք է ամեն օր, ամեն միջոցով, աշխատենք այն ամրապնդելու համար։ Յուրաքանչյուր օրվա վերջում պետք է զգանք, որ ճիշտ ուղղությամբ ենք քայլում, որ մեր ջանքերը արդյունավետ են։
Այս ամանորյա ուղերձում ես ուզում եմ սրտանց շնորհակալություն հայտնել Կրթության, գիտության, մշակույթի, սպորտի և երիտասարդության ոլորտների բոլոր ներկայացուցիչներին՝ մեր համատեղ աշխատանքի, մեր ընդհանուր նպատակների համար։
