Երևանի քաղաքապետարանը հայտարարել է կենցաղային թափոնների վերամշակման գործարանի կառուցման մրցույթի մասին։ Այս մասին հայտարարեց Երևանի քաղաքապետ Տիգրան Ավինյանը։
Ըստ նրա՝ մրցութային փաթեթը արդեն հասանելի է դարձել, և հետաքրքրված կողմերն ունեն երեք ամիս՝ այն ուսումնասիրելու և իրենց առաջարկները ներկայացնելու համար։
Մրցույթը կիրականացվի երկփուլ համակարգով՝ հաղթողին ընտրելու նպատակով։ Քաղաքապետը նշեց, որ լավատես է և վստահում է, որ կլինեն որակյալ լուծումներ, քանի որ գործարանի կառուցման հարցով հետաքրքրված են տարբեր երկրներից գործընկերներ։
«Տարբեր երկրներից գործընկերներ արդեն հայտեր են ներկայացրել»,- ընդգծեց Տիգրան Ավինյանը։
